Sehemu Ya (96) : Binti... Nna Ushauri Kwa Ajili Yako Hapa.

Binti nisikilize mimi...

1. Mwanaume atakaekutambulisha kwa wazazi wake na si kwa rafiki zake pekee huyo ndiye mwenye mwelekeo wa kufanya maisha na wewe.

2. Usitizame gari wala pesa nyingi ukadhani ndio kipimo cha utajiri wa mwanaume, ndoto na maono yake yenye tija ndio muelekeo mzuri wa utajiri wa mwanaume.

3. Binti yangu, ni wazi kwamba mwanaume anaweza akakupa talaka au kukufukuza kwake, ila elimu, ujuzi na kipaji hakiwezi kukupa talaka. Hivyo basi focus katika kupata elimu na ujuzi kabla hujampata mwanaume wako.

4. Binti yangu mpendwa, usikubali ngono ikufanye kuwa mama kabla ya ndoa kukufanya kuwa mke. Tangulia kwanza kuwa mke ndipo uwe mama.

5. Wanaume bora sio vigumu kuwapata, ila ni vigumu kuwavutia. Hivyo basi kama unataka mwanaume bora jiandae kumvutia. Si kumvutia kimapenzi! La hasha binti yangu..namaanisha kuwa na tabia na siha njema anayokufunza mama yako.

6. Matokeo ya kuwadharau wanaume walio bora na kujichanganya na wanaume matapeli ni kwamba utakuja kuchanganyikiwa, hasira na visasi pale utakapoona wale wanaume bora uliowadharau wanaoa wanawake ambao nao uliwaona kama sio wazuri kama wewe.

7. Binti yangu, kama utamuuliza Mungu ni nini kanuni ya uchumba ni rahisi tu; Kama huyo Mwanaume hana Mungu, basi hastahili kuwa na wewe.

8. Bibi yako enzi za ujana wake alikuwa mzuri kweli, sasa nakupa agizo hili, kila utembeapo tembea na picha ya bibi yako katika pochi yako. Ili kila utakapoifungua pochi picha itakukumbusha kwamba uzuri ni wa muda tu, ila tabia, hekima na busara zinadumu milele.

9. Jipende na ujitunze, wewe ni hekalu la mwenyezi Mungu, Mungu hatapenda kuona hekalu lake likichafuliwa.

10. Hakuna mpumbavu mkubwa kama mwanamke ambae anamdharau mwanaume kwa sababu ya hali yake ya kiuchumi aliyonayo kwa wakati huo.

Pia Unaweza Nifollow:

Facebook , Instagram , Snapchat , Twitter @KissToTheLadies 

WhatsApp +255 715 758 021