Sehemu Ya (12) : Shikamoo Wanawake Wa Dar, Mnakata Kabla Ya Kona.

Wakati wewe ukienda Muhimbili kujisomea Miaka 7 ili uwe Daktari Bingwa kuna wenzio wako Mtaani na Mtaa umewafanya wawe Madaktari huku wakiichambua Biology kwa macho tu bila hata kwenda Shule..

Kuna Wanawake wana balaa utadhani wanatembea na Ramli ya Mganga, usiombe awe ndo mchuchu wako Mtagombana deile, wanajifanya wanajua kukagua kuliko maafisa wa TRA Makao Makuu.

Msipoonana wiki 2 mathalani umesafiri, ukirudi sasa ukafika ule muda wa kupunga maruhani utamsikia, ''huko ulikoenda uliibiwa na nani?? Mbona Jongoo amesinyaa hivi, Utanieleza nakwambia'', timbwili la haja, kumbe maskini joto tu la Dar limesababisha Bunsen Burner imekuwa Non luminous Flame

Mtaishi maisha yote mtu mzima kama uko Laboratory, wana maswali yao fyongo-fyongo tu, utasikia ''Mbona unanukia kama kile kisabuni cha EVA cha gesti, leo umeamkia wapi??? Kubwa kuliko utaambiwa ''Leo uko tofauti sana halafu hata kamshindo kako leo kana lita chache sana, mwanaume huridhiki weye hata upewe kila siku''.. mmmh, yaani hadi lita wanapima kwa macho na feeling, mweh

Kama wewe mtaalamu sana si ukasaidie kutafuta ndege ya Malaysia iliyopotea?? Unahamishia Biology kwenye mahaba, watu hatupumui kwa raha, unakaa wima-wima leo ntaambiwa kitu gani, hukawii kuambiwa mbona Lips zako kavu hivi umetoka kumbusu nani.. khah... Utadhani umeoa Anthropologist kumbe Banker tu!

Shikamoo wanawake wa Dar, Mnakata kabla ya Kona.

Pia Unaweza Nifollow:

Facebook , Instagram , Twitter @KissToTheLadies 

WhatsApp +255 715 758 021